Антонио Бандерас вели дека срцевиот удар што го претрпел во 2017 година целосно му го променил погледот кон животот и дека токму ова искуство било „најдоброто нешто што му се случило“ бидејќи го научило да го цени секој момент.
Пред речиси десет години, Антонио Бандерас бил во својот дом во Сари, Англија, кога почувствувал болки во градите . Неговата долгогодишна партнерка, Никол Кимпел, брзо му дала лекови пред да пристигне брзата помош и го однела во болница, каде што бил итно опериран . За време на операцијата, лекарите му имплантирале три стентови во артериите.
Срцев удар во 2017 година го натера Бандерас да направи големи промени во својот живот – од откажување од пушење до враќање во родната Малага, Шпанија.
„Секогаш некаде во задниот дел од твојот ум знаеш дека еден ден ќе умреш. Но, кога си толку блиску до тоа, добиваш неверојатно јасен потсетник колку е глупаво да губиш време на работи што не заслужуваат место во твојот живот“, изјавил познатиот актер за „Пипл“.
„Срцевиот удар беше најдоброто нешто што ми се случило. Беше како некој да ми стави очила за конечно да можам да видам реалност што претходно не ја забележав“, рече Бандерас.
Меѓу работите што денес имаат посебно место во неговиот живот е неговиот омилен театар, Театро дел Сохо КаиксаБанк во Малага, каде што продуцира претстави и мјузикли. Тој, исто така, инвестираше во неколку познати ресторани во градот.
„Вистина е дека храната и гастрономијата се дел од културата“, вели тој.
Бандерас имаше можност да ја спои оваа љубов со глумата во новиот биографски филм „Тони“, во кој го толкува готвачот кој имал големо влијание врз младиот Ентони Бурден, кој го игра Доминик Сеса.
The post Антонио Бандерас зборува за срцевиот удар: „Тоа е најдоброто нешто што ми се случи, научив лекција“ appeared first on Во Центар.
Пронајдете не на следниве мрежи:
