Во текот на изминатата ноќ, на територијата на целата држава биле санкционирани 63 возачи кои управувале возило под дејство на алкохол, соопшти Министерството за внатрешни работи.

Контролата била спроведена од 23:00 до 05:00 часот, при што осум возачи биле лишени од слобода согласно со член 297-а од Кривичниот законик.

Најголем број санкции биле изречени на подрачјата на СВР Битола и СВР Куманово – по 12, потоа на СВР Велес и СВР Охрид – по девет. Од страна на Мобилната единица за безбедност на сообраќајот на патиштата биле санкционирани уште четири возачи под дејство на алкохол.

Во текот на контролата биле санкционирани и 162 други видови прекршоци.

Од МВР најавуваат дека сообраќајните контроли ќе продолжат и во наредните денови и апелираат до сите учесници во сообраќајот да ги почитуваат правилата и прописите.