Германскиот канцелар Фридрих Мерц денеска повика на единство во рамките на владејачката коалиција, предупредувајќи дека Германија се соочува со зголемени закани од политичките екстремисти и, како што наведе, со секојдневните обиди на Русија да ја дестабилизира земјата.

Говорејќи на конференцијата на Христијанско-социјалната унија, баварската сестринска партија на конзервативната Христијанско-демократска унија, Мерц рече дека Германија се соочува со „исклучително сериозни предизвици“.

„Како да ја заштитиме слободата и безбедноста во Европа соочени со се поголеми закани од екстремисти во земјата и странски сили надвор?“, праша Мерц, тврдејќи дека Русија се обидува „секојдневно да ја дестабилизира Германија“.