Европските претставници нема да учествуваат во трилатералните технички преговори меѓу Украина, САД и Русија, закажани за следниот месец, изјави помошникот на рускиот претседател Јуриј Ушаков.
Според него, постигнат е договор разговорите да се одржат без учество на Европа, објави „Правда“.
„Тие можат да дојдат ако купат билети, но никој нема намера да ги покани на преговарачка маса“, изјави Ушаков.
Тој не ја потврди изјавата на украинскиот претседател Володимир Зеленски дека техничките преговори би можеле да се одржат на 10 ноември. Рускиот функционер додаде дека датумот на состанокот ќе биде објавен наскоро.
Ушаков претходно предупреди дека Русија е подготвена да продолжи со трилатералните преговори со САД и Украина за завршување на војната по 4 ноември.
Во меѓувреме, Зеленски изјави дека, по разговорите на европските лидери со рускиот претседател, постојат знаци дека Москва сериозно ја разгледува можноста за состанок на преговарачките тимови во Абу Даби.
Тој додаде дека одржувањето на трилатералниот состанок меѓу техничките тимови на Украина, САД и Русија, закажан за почетокот на ноември, зависи од САД.
Весникот „Телеграф“ објави дека Русија може да се обиде да ја искористи новата рунда мировни преговори за да го натера НАТО да направи отстапки.
The post Европејците не се поканети на преговорите меѓу Украина, САД и Русија appeared first on Во Центар.
