Интервју со м-р Марко Шопов, организациски директор на Клиника за дерматологија, објавено на Здравство24.мк1. Изминатиот период откако сте назначени за организациски директор на Универзитетската клиника за дерматологија, со кои предизвици се соочивте и на кои сегменти од функционирањето на установата поставивте фокус?
– Она за што постои Клиниката се пред сè пациентите и тие секогаш ни се во главниот фокус. Во почетокот на оваа година го зголемивме бројот на термини за преглед и со тоа успеавме да ја намалиме листата на чекање. Воведовме општа дерматолошка амбуланта во втора смена секој работен ден до 20 часот, освен во месеците јули и август кога во функција е ургентна дежурна амбуланта која ги третира сите ургентни случаи од областа на дерматологијата. Од месец септември втората смена ќе биде повторно во функција и граѓаните слободно преку матичните лекари ќе можат да си закажат термин за преглед. Со воведувањето на втората смена со отворени термини за закажување до 20 часот им излеговме во пресрет на оние пациенти кои имаат работни обврски до доцните попладневни часови и не се во можност да излезат од работа.
2. Кога станува збор за здравствените услуги, времето на чекање за комплетно реализирање на здравствената услуга е од особена важност за пациентите. Какви чекори преземате за подобрување на овој сегмент?
– Кога станува збор за времето на чекање пред шалтерите и амбулантите, сакам да напоменам дека во мај годинава го реновиравме амбулантскиот оддел и отворивме посебен шалтер за прием, посебен шалтер за наплата на партиципација и нов излез за пациентите кои го завршиле прегледот. Со тоа успеавме да го скратиме времето за административни работи, преглед и наплатата на партиципација на помалку од еден час.
Воведовме уште една новина, со цел да им излеземе во пресрет на пациентите, почитувајќи го нивното време, а тоа е ПОС терминал на шалтерот за наплата на кој пациентите можат да ја платат партиципацијата со платежна картичка.
Со ова пациентите имаат можност, покрај во готово да плаќаат и со картичка, иако и понатаму останува можноста за плаќање во готово. Плаќањето со картичка се воведува како дополнителна опција, со која се олеснува регулирањето на административниот дел во нашата установа и им се излезе во пресрет на барањата на пациентите кои не носат пари кај себе, а истите сега имаат можност да извршат и безготовинско плаќање.
Ова се новини со кои во голема мера успеавме да го намалиме времето на чекање, во соработка со Проектната единица во рамки на Управата за електронско здравство МојТермин, формирана за оваа цел, а секако во таа насока продолжуваме со несмалено темпо да работиме и понатаму.
3. Уште еден значаен аспект од функционирањето на секоја здравствена установа е хоспиталната култура. Што преземате на ова поле?
– Хоспиталната култура е континуиран процес на кој ставивме посебен акцент. Набавивме нови униформи за медицинскиот и немедицинскиот персонал. Лекарите носат бели униформи, медицинските сетри сини, болничарите сиви и хигиеничарите бордо. За целиот персонал се изработени дигитално испечатени легитимации со назив на работно место и име и презиме на вработениот. Постојано работиме на пристапот на почитување на пациентите и љубезностакон нив, бидејки тие не по своја желба доаѓаат на лекување во Клиниката и затоа треба да им се посвети посебно внимание. Но она што е многу важно и треба да се напомене е тоа дека за да функционира еден целокупен систем потребно е меѓусебно почитување и разбирање. Пациентите треба да ги почитуваат правилата на закажаниот термин. Во многу од случаите пациентите неколку часа порано доаѓаат на Клиниката и прават непотребни турканици пред шалтерите и во чекалните. Залудно е ако имаме најефикасен електронски здравствен систем во Европа, организирани шалтери и шалтерски работници, најпрофесионален медицински персонал, ако самите пациенти не ги почитуваат правилата на закажаниот термин. На ова треба многу да се работи на сите клиники и да им се воочува на пациентите да ги почитуваат термините, за работата да тече беспрекорно.
4.Како организациски директор на јавна здравствена установа, имате надлежности и во делот на финансиските обврски на клиниката, како се одвиваат работите во овој дел?
– Се соочуваме со голем предизвик, а тоа е што поуспешно менаџирање на финасиските средства на клиниката и зголемување на услугите на пациентите, а за тоа придонесе и зголемувањето на буџетот на Клиниката од страна на ФЗОМ, како и приходот од приватните пациентите кои се третирани во Центарот за козметологија, чија промоција претставува еден од нашите главни приоритети за следниот период. За период од шест месеци успеавме да го намалиме долгот на Клиниката за цели 2 милиони денари.
5. На крајот, да споменеме што ќе биде во фокус на Вашата работа во претстојниот период и во која насока ќе се развива и надградува работата на Универзитетската клиника за дерматологија?
– Клиниката за дерматологија има огромен потенцијал за развој и напредок. Главниот фокус во наредниот период ни е унапредување на работата на Центарот за козметологија. За Центарот имаме големи планови! Располагаме со професионален кадар кој може да одговори на сите предизвици во медицинската козметологија. Во соработка со Министерството за здравство ќе набавиме најмодерни апарати, а со тоа ќе воведеме нови услуги кои ќе бидат по прифатлива цена за сите граѓани во Републиката.
Ја користам оваа прилика да ги информирам сите заинтересирани граѓани за можноста на терциерно ниво да добијат врвна услуга од медицински стручни лица со долгогодишно искуство во областа на козметологијата и да бидат сигурни дека го направиле најдоброто за себе добивајќи услуга од докажани стручни лица во областа на козметиката и дерматовенерологијата. Воедно, сите пациенти за ова може да се информираат на нашата официјална веб страна на Клиниката.1. Изминатиот период откако сте назначени за организациски директор на Универзитетската клиника за дерматологија, со кои предизвици се соочивте и н
