Апелацискиот суд – Скопје ја потврди првостепената пресуда од 20 години затвор на Миле Хаџиски за убиството на Мери Јошевска, кое се случи во јуни 1993 година во Скопје, соопшти денеска Основниот суд Скопје 1.Кривичниот суд во Скопје го осуди Хаџиски на 20-годишна затворска казна лани во декември, во повторен судски процес, бидејќи обвинетиот над 20 години беше во бегство пред да биде уапсен и екстрадиран во земјава од француските власти.
Миле Хаџиски од земјава побегна во 1995 година и во отсуство беше осуден на 20 години затвор. Додека е во бегство, Хаџиски ѝ се приклучува на француската легија на странци, а во меѓувреме го менува идентитетот и станува Зоран Томановиќ.
Пред четири години, тој беше уапсен од швајцарската полиција, под сомнеж дека е член на познатата криминална група Пинк Пантер, но успева да побегне од затвор за потоа да биде повторно уапсен од француските власти и екстрадиран во земјава.
Во повторениот судски процес, кој почна лани во октомври, Хаџиски ја отфрли вината за убиството на Јошевска и тврдеше дека не се сеќава на ништо.Кривичниот суд во Скопје го осуди Хаџиски на 20-годишна затворска казна лани во декември, во повторен судски процес, бидејќи обвинетиот над 20 годи
