Иако повеќето се скептични за теориите кои се појавуваат на секој агол на Интернет, теоријата на Април за многумина звучи сосема логично. Кога малку повеќе ќе размислиме, пролетта е всушност време кога се се буди, па се буди и нашето тело и ум. Новата теорија која се шири на TikTok вели дека ништо не изгубивме доколку не почнеме веднаш со новогодишните одлуки, туку дека го чекавме идеалниот месец за нивна имплементација – април!
Нов излив на енергија
За разлика од јануари, кога деновите се кратки, студени и сиви, април носи подолги сончеви денови, будење на природата, зеленило и потопли температури. Многумина веруваат дека ова чувство на свежина и обновување може позитивно да влијае на нашата мотивација и енергија. Сонцето не извлекува на првите пролетни прошетки и кафеански тераси, додека капутите остануваат дома и ги чекаат следните зимски и студени месеци.
За многумина првите сончеви зраци носат и повлекување на сезонското афективно пореметување, кое се јавува токму поради недостатокот на сончева светлина во есен и зима.
Пореални цели за пролетно ресетирање
Затоа, кога повторно ќе се разбудиме во април, мотивирани и подготвени за нови почетоци, но и поучени од јануарските искуства, важно е да донесеме пореални цели и одлуки до кои всушност ќе се држиме. Ова е многу полесно во април и во потоплите месеци, а подолгите денови (особено по поместување на часовникот) не мотивираат за дополнителни активности и хоби, дури и по работниот ден.
Идеално време е да се вклучите во физички активности, особено на отворено, кога повисоките температури ни го дозволуваат тоа! Покрај одлуките како поздрава исхрана и други подготовки за „жешкото девојче лето“, важно е да ги разгледаме и другите аспекти од нашиот живот, не само оние кои го вклучуваат нашиот физички изглед.
Пролетно чистење на умот и врските
Пролетното чистење не треба да се одвива само во нашиот дом, туку како што ја чистиме околината, треба да и „пролетно чистење“ на нашите мисли, емоции и навики. Без ментално здравје, се друго се распаѓа. Исто така, одвојте момент да размислите дали има врски што ве спречуваат да станете најдобрата верзија од себе.
Ако сте го одложувале прекинот на токсични пријателства или врски, сега е време да го направите тоа. Иако е тешко да се направат такви решенија, тие ќе ви овозможат да уживате во новата сезона – и новите резолуции кои сигурно ќе траат – без товар!
