Интерпартиската парламентарна група за правата на лицата со посебни способности (ИППГ) одржа работна средба на тема: „Аутизмот не е загатка или болест, туку само начин на постоење“, сè со цел придвижување и пресретнување на потребите и прашањата кои ги засегаат лицата со посебни способности. Свој говор одржаа: првата дама на Република Македонија, г-ѓа Маја Иванова; пратениците и членови на ИППГ: г. Сашо Василевски, г-ѓа Роза Топузова-Каревска, г-ѓа Јагода Шахпаска, г-ѓа Мирсада Емини-Асани и г-ѓа Лилјана Поповска; г. Зоран Гиев од Здружението на граѓани за третман на лицата со аутизам, АДХД и аспергеров синдром „Мојот свет“ и татко на дете со аутизам; г. Горан Петрушев, претседател на Сојузот на дефектолози во Република Македонија; деканот на Филозофскиот факултет, проф. д-р Горан Ајдински; продеканот на Медицинскиот факултет, проф. д-р Даниела Миладинова; д-р Аспазија Софијанова, директор на Клиниката за детски болести и Елена Кочовска од Движењето против хендикеп „ПОЛИО ПЛУС“, како втемелувач на идејата за формирање на ИППГ.
Претседавачот на ИППГ, г. Сашо Василевски истакна дека како и досега, и понатаму ќе се одржуваат средби, состаноци, работилници, конференции, презентации, на кои произлегуваат предлози кои треба да се реализираат во корист на лицата со хендикеп.
Сопругата на претседателот на Република Македонија, г-ѓа Маја Иванова, како повеќегодишен активист во оваа област, истакна дека аутизмот е актуелен проблем со тенденција на пораст, не само на светско ниво, туку и во Република Македонија и дека со цел да се обезбеди подобар и поквалитетен живот на децата со аутизам, е потребна, заедничка, интегрирана и добро координирана акција меѓу сите засегнати институции. Укажувајќи дека се загрижувачки податоците за дијагностицирани деца со аутизам, како и недоволната информираност на јавноста, таа ја посочи потребата од натамошно подигање на јавната свест за аутизмот. 
Говорниците, врз основа на своите искуства и активности, проблемите со кои се соочуваат секојдневно, изнесоа идеи, предлог-мерки, иницијативи и сугестии, кои и преку носење нови закони или подобрување на постоечките, ќе го подобрат животот на децата со аутизам, на нивните родители и општеството воопшто. 
Тие беа едногласни дека главен приоритет е отворање на центар за аутизам и нагласија дека раната дијагностика и раната интервенција се пресудни за понатамошниот развој на децата со аутизам, исто како и соодветната терапија и третманот со стручни лица. Како многу важен проблем кој треба итно да се реши е и начинот на образованието на децата со аутизам. Беше укажана и потребата од стручни тимови во градинките и училиштата, отворање на добро опремени дневни центри и развојни советувалишта, повеќе обуки за работа со терапии, да се испита можноста за креирање на Национална стратегија за аутизам и да се оформи Регистар на лица со аутизам во Република Македонија.
Во инспиративниот и забележителен говор, Елена Кочовска од „ПОЛИО ПЛУС“, го потенцираше принципот „Ништо за нас без нас“, давајќи ја главната порака на хендикепираните лица – „Без разлика какви сме, имаме право како и вие!“. На заедничкото патување, таа побара заемно почитување, да работиме и да учиме заедно, зашто само така можеме да одиме напред.
 

Сопругата на претседателот на Република Македонија, г-ѓа Маја Иванова, денеска се обрати на работната средба на тема „Ау…
Posted by Д-р Сашо Василевски on Friday, 19 February 2016

Свој говор одржаа: првата дама на Република Македонија, г-ѓа Маја Иванова; пратениците и членови на ИППГ: г. Сашо Василевски, г-ѓа Роза Топузова-Ка