Преболувањето на поранешните не е воопшто лесно. Сите барем еднаш сме биле заљубени до тој степен што во еден миг главата ни велела: „Браво успеа, го преболи! Не ти е грижа повеќе за него!“…а веќе миг потоа една љубовна песна го уништила тоа и се огласило срцето: „Глупава, врати му се! Го сакаш, ти недостига и судено ви е да сте заедно!“ Клуч за преболување на поранешните нема. Нема никаква магична напивка или рецепт кој ќе ве спаси од болката на раскинувањето. Само вашето срце ќе одлучи кога е спремно да продолжи понатака, а вие никако не можете да влијаете на таа одлука.Ако сте одлучиле да го преболите поранешниот, но ги прекршувате овие 4 правила во новата врска, тогаш, за жал, веројатно се лажете себеси и само мислите дека сте продолжиле понатаму. Еве како можеби му дозволувате да ви ја уништи новата врска без да го знаете тоа.
1. Никако не го споредувајте новиот партнер со поранешниот
Кога започнувате нова врска никако не можете да го избегнете споредувањето помеѓу неа и старата врска. Во ред е да си дадете време, но ако после неколку месеци вие сѐ уште ги споредувате, тогаш време е да видите што правите.
Потрудете се да ја гледате врската со нови очи. Не се обидувајте да ги применувате истите интерни шеги или некои работи што сте ги правеле со поранешниот. Не размислувајте дека со него пораките ви се поинакви, дека им се различни фамилиите и сл. Сетете се дека влеговте во нова врска затоа што старата не функционираше.
2. Не смеете да го спомнувате неговото име
Никој не сака да слуша за поранешни партнери, ама баш никој. Единствен пат кога е во ред да зборувате за поранешниот е кога новиот партнер ќе ве праша за него и тогаш треба да сте искрени. Ако постојано го спомнувате, тогаш новиот партнер ќе забележи дека вие не сте го преболеле стариот и тогаш ќе започнат проблемите. Ако ги споредувате така што му давате комплимент на новото момче, тоа само ќе ги влоши работите. Восхитувајте му се на новиот партнер без да го спомнувате поранешниот. Верувајте ни, тоа ќе ви ги олесни работите.

3. Не го величете минатото
Во човечката природа е да му се восхитуваме на минатото. Секако дека претходната врска имала прекрасни моменти – затоа и сте останале заедно толку долго, но сепак запомнете дека ја прекинавте со причина. Нормално, новата врска не е совршена и си има свои убави и лоши моменти, но ако вие сметате дека поранешниот бил совршен тогаш без разлика колку и да се докажува новиот партнер тој никогаш нема да стигне до нивото на претходниот.
Иако нештата не одат толку совршено колку што сте очекувале, тоа не е покана да се вратите во минатото и на „совршенството“ што бил вашиот бивш. Ако нештата не функционираат со новиот партнер, не дозволувајте вашата лажна перцепција за „совршеното“ минато да ви го помати разумот и да ве натера да се откажете од новата врска.
4. Љубете без да се каете
Ако постојано се прашувате дали правите грешка што продолжувате понатака, тогаш вие не сте спремни да бидете во нова врска. Да, тешко е да се соочите со раскинување и со скршено срце, но сетете се дека бившиот не ги заслужува вашите емоции. Искористете ги лекциите што сте ги научиле во минатата врска и применете ги во новата. Ако бившиот партнер ве повредил во минатото, не му се истурајте на сегашниот партнер. Имајте самодоверба и сила да ѝ дадете уште една шанса на љубовта. Не се кајте, само љубете до максимум.Ако сте одлучиле да го преболите поранешниот, но ги прекршувате овие 4 правила во новата врска, тогаш, за жал, веројатно се лажете себеси и само ми