Станува збор за една од најрано култивираните билки од историјата на човештвото.Здравствените ефекти од ова растение го употребувале најголемите исцелители како што се Хипократ или Ибн, но и големите цивилизации како Грците, Римјаните и Арапите, а спомнато е и во многу религиски списи.
Чорокот (црн ким) во последните 40 години е детално проучуван од страна на научниците и објавени се околу 400 научни студии на тема: чорок и неговите активни состојки.
Овие студии покажуваат дека црниот ким благотворно делува на разни болести и заболувања, како што се: астма, алергии, замор, автоимуни заболувања како што се ревматскиот артритис и псоријазата, повишено ниво на маснотии во крвта, шеќерна болест, хемороиди, проширени вени, висок крвен притисок, бактериски, гливични и паразитски инфекции, главоболки, егземи, лишаи, акни, бронхитис, кашлање, воспаление на белите дробови, синуси, ослабнат имунитет, болки во зглобовите и мускулите, гастритис, кандида, надуеност, дијареа, колика, заболување на црниот дроб, камен во бубрегот, несоница, депресија, слаба циркулација, ПМС, тумори и сл.
Одговорот лежи во хемискиот состав на неговите семиња, кои содржат преку 100 биолошко-активни супстанци кои меѓусебно се надополнуваат и помагаат во лековитото дејство, што доведува до еден вид на функционален синергизам (зголемено дејство).
Во овие активни супстанци спаѓаат: омега-3 незаситени масни киселини, витамини В1, В2 и В6, витамин С, витамин Е, нигеллон, горката супстанца нигеллин, тимокинон, сапонин мелантанин, бета-ситостерин и многу други.
Маслото од чорокот го јакне имунитетот
Неговото дејство не се ограничува на одредени органи, туку го опфаќа целокупниот организам преку имунолошкиот систем. Маслото од чорокот е имуномоделатор, тоа ги регулира функциите на имунолошкиот систем – едед од начините е да го стимулира растот на лимфоцитите Т и В.
Ослабениот имунитет може да се препознае по следните симптоми: чести инфекции и воспаленија, слабост, исцрпеност и замор, губиток на тежината, чести главоболки. Кај наведените симптоми земајте масло од црн ким 2 пати на ден, по една супена лажица. Најдобро е да се зема 15-30 минути пред јадење.
За превенција, т.е. како подготовка на организмот за потенцијално исцрпувачки период (на пример, пред сезоната на грип), доволно е да се зема 1 супена лажица (или 2 лажички за чај – наутро и навечер) дневно, најдобро е да се земаат пред 15-30 минути пред јадење.
Чорокот и карциномот
Научниците од Kimmel Cancer Center во Филаделфија, открија дека тимокинонот, една од состојките на чорокот, го запира растот на клетките на туморот кај карциномот на панкреасот и ги уништува при процесот на апоптоза (програмирана смрт на клетките).
Во таа смисла, тимокинонот како хемопревентивно и хемопротективно средство може да им помогне на пациентите кои одат на хемотерапија, како и на лицата кои се високоризични за карцином.
Сојузната управа за контрола на лекови и храна на САД, во 1996 година ја одобри употребата на маслото на чорокот во третманите за канцерогени болести за превенција на несаканите ефекти од хемотерапијата и јакнење на имунолошкиот ситем на организмот.
Доколку се земаат по 2-3 супени лажици од маслото на чорокотот на ден (15-30 минути пред јадење), ќе се намалат несаканите последици од хемотерапијата, а телото ќе се поттикне да ја зајакне сопствената способност на самоодбрана.
Исто така се препорачува и за лицата кои се ризични за добивање на карцином (семејна историја за болеста и можен наследен фактор) превентивно да консумираат масло од црн ким и тоа по 1 супена лажица на ден.
Важно е да се знае дека до потполно делување на маслото од чорокот ќе дојде дури по 4-12 недели на редовно консумирање.
Здравствените ефекти од ова растение го употребувале најголемите исцелители како што се Хипократ или Ибн, но и големите цивилизации како Грците, Ри
