Десет транспортни менаџери од Република Македонија превозници на патници и на стоки се годинашните добитници на наградата ТOP MANAGER за 2017 година што традиционално ја доделува најголемата транспортна асоцијација во светот, Меѓународната унија за патен транспорт – ИРУ, со седиште во Женева.Со посредство на СИЗ „Македонија сообраќај“ – АМЕРИТ, најстарата транспортна асоцијација во нашата земја, годинава ова значајно транспортно признание на ИРУ им припадна на: Марјан Крстевски од транспортната фирма АСПЕРА КОМЕРЦ, Зоран Љубенов – ДТТ ЛИДО, Бесим Алиов – ДУДО АГ, Робе Спасов – ЕЛМА ТРАНС, Ѓорѓи Вчков – Македонија сообракај АД, Александар Ристовски – РИВИЕЛ ДООЕЛ, Ѓорѓи Ристов – САБРИНА ТРАНС, Зоран Јамандиев – ШЕФЧЕ ТРАНС ДООЕЛ, Николчо Капсаров – ТРАНСБАЛКАН ДООЕЛ и Андреј Костов од ТРЕЈД КОСТОВ ТРАНСПОРТ. Тие станаа составен дел на тимот на 60 најдобри менаџери во транспортот, за кои ИРУ неодамна донесе одлука да ги награди со своето највисоко признание. Наградените се од 15 земји во светот, и тоа од: Аргентина (1), Белорусија (3), Чешка (5), Естонија (4), Македонија (10), Германија (3), Казаxстан (8), Мексико (12), Молдавија (4), Романија (3), Русија (5) и Украина (2).                      
– Оваа престижна награда што нашите транспортери имаа чест да ја добијат од ИРУ, е потврда и признание за нивното менџерско работење, за лидерските достигнувања и секако за професионалното искуство во негувањето и промовирањето на сигурен, безбеден, еколошки и ефикасен патен транспорт. Наградата на ИРУ за ТОП-менаџери во патниот транспорт ги наградува главните менаџери на компаниите во патниот сообраќај, ангажирани во националниот и меѓународниот превоз на стока или патници, вклучувајќи ги и такси-компаниите. Во согласност со прописите, со кои се регулира доделувањето на оваа награда, асоцијациите членки на ИРУ, а меѓу нив и АМЕРИТ, ги избраа оние кандидати од нивните земји, кои целосно ги исполнуваат сите услови за регулирање и аплицирање и уредно ги доставија номинациите до Генералниот секретаријат на ИРУ. Наградата ТOP MANAGER на ИРУ има за цел поуспешно работење на транспортерите, што соодветно ја валоризираат и наградуваат и општествената заедница, односно државата од каде што тие потекнуваат, а еве и Меѓународната унија за патен транспорт – изјави Емил Милев, управителот на СИЗ „Македонија сообраќај“ – АМЕРИТ.
Аплицирањето за наградата ТOP MANAGER на ИРУ кај нас веќе традиционално секоја година се врши со посредство на СИЗ „Македонија сообраќај“ – АМЕРИТ, која е национална асоцијација, членка на Меѓународната унија за патен транспорт – ИРУ и која во текот на целата година го следи работењето на транспортните менаџери и на нивните фирми, ги бодува и ги предложува до ИРУ. Самата номинација на менаџерот за оваа награда од страна на националната асоцијација претставува и автоматска потврда дека компанијата работи успешно и спроведува добри практики во работењето и транспортот како и дека под раководство на менаџерот компанијата нема направено никакви прекршоци на царински или на други административни регулативи.Со посредство на СИЗ „Македонија сообраќај“ – АМЕРИТ, најстарата транспортна асоцијација во нашата земја, годинава ова