Премиерот Димитриев денеска заедно со министерот за труд и социјална политика Диме Спасов и директор на Агенцијата за вработување, Влатко Поповски беа во посета на фабриката „Милина свитс“ во Индустриската зона во Штип, со што официјално од денеска стратува и владиниот проект „Македонија вработува 2“.Владата работи посветено на реализација на акцискиот план за спроведување на приоритетните реформи, изјави денеска премиерот Емил Димитриев.
Појасни дека многу законски решенија се усогласени со сите институции, и оти се во владина процедури.
– Денеска имаме седница и ќе разгледуваме две законски решенија, кои што се речиси на самиот крај во владината процедура. Усогласени со сите институции. Тоа се законот за Народниот правобранител и законот за владиното рекламирање. Јас очекувам на денешната седница овие закони да добијат зелено светло и да влезат во Собраниска процедура. Во понатомошниот тек на носење на овие закони јас очекувам да имаме максимална транспарентност, изјави Димитриев по посетата на фабрика во Штип.
Впрочем, додае тој процедурите во Собранието, овозможуваат преку одржување јавни расправи, преку вклучување на владин и невладин сектор, преку вклучување на сите политички партии, овие закони дополнително да бидат надградени со квалитетни идеи и предлози и да бидат донесени во определн рок.
Димитриев апелира и на конструктивност од сите политички партии за да се надмине политичката криза во земјава:
– Како претседател на Владата јас се надевам дека и апелирам сите партии да имаат максимална конструктивност се со цел што побрзо да заврши оваа политичка криза која има негативни последици и по економијата и по другите сфери на општетсвеното живеење. Ние како Влада работиме максимално посветено на нашите програмски определби кои значат подобри стандарди во сите области на човековото живење, така што очекувам и партиите со својата конструктивност да придонесат да излеземе од оваа криза, рече Димитриев одговорајќи на новинарски прашања по денешната посета на фабриката „Милина свитс“ во Индустриската зона во Штип.Владата работи посветено на реализација на акцискиот план за спроведување на приоритетните реформи, изјави денеска премиерот Емил Димитриев.
