Директорот н ИФФК “Браќа Манаки“, Благоја Куновски – Доре на денешната прес конференција посветена на годинашното издание на фестивалот, соопшти дека добитник на наградата Златна камера 300 за животно дело е славниот холандски и светски кинематографер Роби Милер.- Роби Милер беше во Битола во 2002 година кога  ја освои специјалната камера 300 за особен придонес на светската кинематографија и сигурен сум дека ќе имавме уште многу средби во Битола со Роби, да не беше неговата болест, која го врза за инвалидска количка, а за која ме информираше неговата сопруга Андреа. Ние со оваа награда не само што му се оддолжуваме на Роби Милер, туку сакаме уште една ѕвезда да го следи во неговиот живот. Според реакцијата на Милер и неговата сопруга кога за прв пат им ја упатив поканата на 28 декември минатата година, тие беа почестени и задоволни, неговата сопруга веднаш ми одговори на писмото и ми ја објасни ситуацијата со неговата болест и дека не е во сосотоја да патува. Ете тоа е кругот што го заокружуваме – 20 години јубилеј – во 1996 година Роби Милер ја доби Бронзената камера 300 во Битола, во 2002 освен штo беше добитник на наградата за особен придонес во светската кинематографија, беше и претседател на жирито во Битола и сега со оваа заслужена награда, како еден од најголемите живи кинематографери во светот, влегува во Клубот на великаните на фестивалот „Браќа Манаки“, рече Благој Куновски, директорот на фестивалот.
Директорот Куновски и Евгенија Теодосиевска, уметнички директор на Фестивалот од 2 до 4 јуни ќе заминат во Амстердам каде на 3 јуни на свеченото отварање на големата ретроспективна изложба „Мајстор на светлината“, посветена на Роби Милер во „Eye Museum“, ќе му ја предатат наградата Златна камера 300. Статуетата е дело на скулпторот Димитар Филиповски, а целокупниот дизајн на фестивалот го изработува „Ефектива“ од Скопје.
– Оваа изложба во престижниот музеј на современа и филмска уметност во Амстердам, ја оргаизираат Европската и светската асоцијација на кинематографери, па наградата ќе ја земеме со нас и таму ќе му ја предадеме Златната камера 300 на Роби Милер. Што се однесува на програмите на годинешното издание, иако почнуваме малку подоцна, ќе успееме квалитетно да ги реализираме сите планирани содржини и програми на фестивалот, рече Евгенија Теодосиевска, уметнички директор на фестивалот.
Претседателот на Друштвото на филмски работници, Роберт Насков им се заблагодари на медиумите за поддршката
– По малите турбуленции кои во изминатиов период ги имаше фестивалот “Браќа Манаки“, доаѓаме во нормала, фестивалскиот тим предводен од двоецот Куновски и Теодосиевска веќе ја формираше фестивалската екипа која што работи со полна пареа и понатаму ќе ви соопштуваме убави работи за фестивалот и да ја создаваме онаа физиономија на фестивалот во комуникација со медиумите, како што тоа беше и во изминаите години, рече Насков.
На прес конференцијата беше присутна и претставничката на амбасадата на Кралството Холандија во Македонија, Елизабета Баковска.- Роби Милер беше во Битола во 2002 година кога  ја освои специјалната камера 300 за особен придонес на светската кинематографија и