Како дел од националната стратегија за развој на младинскиот фудбал во Македонија, селекторот на А репрезентацијата на Македонија, Бошко Ѓуровски и координаторот на младинските национални селекции, Зоран Стратев ќе започнат со реализација на едукативни семинари за тренери низ сите фудбалските региони во државата. Првиот ќе се одржи во Велес веќе во петок, а целта е надградба и едукација на тренерите како исклучително важен сегмент во развојот на фудбалот, лица кои треба да бидат главните мотиватори и поттикнувачи на младите фудбалери за правилен фудбалски развој. Бошко Ѓуровски, фудбалски стручњак со долгогодишно интернационално тренерско искуство, ќе претстави програма за работа на екипите во фаза на подготовки, а главниот фокус во практичниот дел од семинарот ќе биде претставување на дефанзивна и офанзивна фаза во систем 4-2-3-1.

“Сите ние кои сме дел од Фудбалската федерација на Македонија имаме одговорност и обврска активно да се вклучиме во програмите на федерацијата кои придонесуваат за развој на македонскиот фудбал. Едукацијата на тренерите е едно од важните прашања за ФФМ, верувам дека и тренерите на вистински начин ќе го прифатат нашиот концепт, посебно националната програма за развој на младинскиот фудбал која претставува нова филозофија во создавањето на играчи и овозможува долгогодишен опстанок и развој на македонскиот фудбал. Квалитетот на создавање на играчи претставува многу комплексен концепт и во теорија и во пракса, а стручните лица кои можат да помогнат во развој на фудбалот, Македонија мора да ги создаде сама. Ние сме тука активно да се вклучиме во процесот и се надевам на позитивни промени. Низ фудбалските региони ќе одржиме предавања, ќе се запознаеме со условите во кои работат тренерите, ќе ги слушнеме нивните искуства и ќе ја претставиме нашата програма”, изјави селекторот на репрезентацијата на Македонија, Бошко Ѓуровски.

Координаторот на младинските национални селекции, Зоран Стратев на семинарите ќе ја претстави националната стратегија на ФФМ за развој на младинскиот фудбал и новите правила со цел поефикасна реализација на проектот на федерацијата. -Во сите развиени фудбалски земји, тренерите го сфаќаат значењето на промените кои се случуваат во модерниот фудбал и создаваат услови нивните екипи да станат подобри во однос на конкуренцијата. За нас е многу важно да создадеме услови за напредок на играчите, клубовите и репрезентацијата. Националната стратегија за развој на младинскиот фудбал е многу значаен проект и се надевам дека сите кои се вклучени и работат во насока на развој на македонскиот фудбал на вистински начин ќе ја сфатат потребата од суштински промени, а се однесуваат на создавање квалитет и база за нашата фудбалска иднина, изјави Зоран Стратев, координатор на младинските селекции.Првиот ќе се одржи во Велес веќе во петок, а целта е надградба и едукација на тренерите како исклучително важен сег