Поранешниот американски претседател Доналд Трамп изјави дека е „во ред“ да отслужи потенцијална затворска казна или да биде во домашен притвор по неговото историско обвинение од 34 точки.Си-Ен-Ен потсетува дека неговата вина била прогласена во врска со фалсификување деловни документи.– Во ред сум со тоа – изјави Трамп во интервју за Фокс њуз, прво по минатонеделното изрекување на пресудата пред судот во Њујорк.Тој го кажа ова кога еден новинар го праша што мисли за потенцијалните казни.– Видов пред некој ден дека еден од моите адвокати беше на телевизија и рече: „О, не, не сакате тоа да му го направите на еден претседател“. Му реков: „Не треба да се моли за ништо“. Мислам дека јавноста не би го толерирала тоа (затворска казна). Не сум сигурен дека јавноста би се заложила за тоа. Мислам дека би било тешко јавноста да го прифати тоа, знаете, во одреден момент е достигната точката на прекршување – рече Трамп.Си-Ен-Ен, наклонета кон демократите, објави дека поранешниот републикански претседател стана првиот поранешен шеф на Белата куќа кој е прогласен за виновен за кривично дело.Трамп е и првиот претседателски кандидат на голема американска партија кој е осуден за кривично дело среде кампањата за ноемвриските избори.Се потсетува дека судијата Хуан Меркан ја закажа пресудата на Трамп за 11 јули.Тогаш републиканскиот претседателски кандидат би можел да биде осуден на условна затворска казна или да биде испратен зад решетки на четири години по секоја точка од обвинението, со максимална казна од 20 години.Си-Ен-Ен објави дека Трамп останува на слобода до изрекувањето на пресудата.Во интервју за Fox News тој повтори дека не направил ништо лошо и ги нападнал „болните“ кои учествувале во прогласувањето на неговата вина.– Се борам за Уставот – рече Трамп и додаде дека на неговото семејство му било „потешко“ отколку на него самиот.Тој конкретно ја спомна сопругата Меланија.– Добро е, но мислам дека ова и беше тешко. Мислам, таа е добро. Но… знаете, таа мора да ги чита сите тие  с*ања – рекол Трамп.На прашањето за можната политичка одмазда што би можел да ја бара ако победи на претседателските избори оваа есен, Трамп рече дека иако самата помисла на тој успех звучи „прекрасно“, тој додаде дека „ужасно е тешко кога ќе видите што направиле“.– Тие луѓе се толку зли, а во исто време земјата би можела да се обедини (поради тоа) – рече Трамп.