Од недела, 31-ви јули, доаѓа вистинско освежување на македонските ТВ екрани. Имено, на последниот ден од овој месец, Алфа Телевизија, ќе започне со емитување на новиот квиз „Арена“, со познатиот водител Димитар Атанасовски. „Арена“ претставува целосно нов концепт кој за првпат ќе започне со продукција и со емитување на македонскиот телевизиски етер.„Станува збор за нешто ново на нашите телевизиски екрани. Ме привлече идејата на Алфа Телевизија да направи нешто ново, интересно и забавно. Убаво е чувството се биде дел од овој проект кој за мене е голем предизвик. „Арена“ е забавна за гледачите, за публиката и секако, забавна и за натпреварувачите. Во секоја емисија имаме по четири натпреварувачи и првичната идеја е во првата сезона да поминат 64 натпреварувачи кои што ќе се борат за примамливи парични награди. Квизот вклучува пет игри во секоја емисија, а на крај имаме предизвик од публика каде победникот игра против еден случајно избран натпреварувач од публиката, кој се бори да му ги земе парите на натпреварувачот.
Ова е единствениот квиз во Македонија во којшто публиката со многу малку знаење, малтене и незнаење, има шанса да освои парични средства, а натпреварувачот да отиде во следната фаза од квизот. Предвидено е да има 21 емисија во првата сезона, што значи дека ќе траеме околу пет месеци од оваа недела, па до крајот на 2016 година, а потоа ќе продолжиме со снимање веднаш со втората сезона како што е предвидено. Откако започнавме со пробите и снимањата можам да кажам дека „Арена“ е неверојатно забавен, интересен и заразен квиз кој навистина ќе го освежи македонскиот етер“, изјави Димитар Атанасовски, водителот на „Арена“.
Видео најава за квизот „Арена“:„Станува збор за нешто ново на нашите телевизиски екрани. Ме привлече идејата на Алфа Телевизија да направи нешто ново, интересно и забавно.