Петтото рочиште за судскиот процес „Дива населба“ денеска е одложено поради немање услови за одржување на главната расправа во скопскиот Кривичен суд, пренесува МИА.Тројца од адвокатите на обвинетите ја напуштија судницата, поради лошите услови во кои се одвива судењето. Адвокатите се казнуваат со по 1.200 евра поради нарушување на редот во судницата и оневозможување на услови за одржување на главна расправа.
Адвокатите бараат да се исполни основното начело на фер, правично и јавно судење, односно на секој бранител да му се овозможи да седи до обвинетиот што го застапува, присуство на најмалку по еден од роднините на обвинетите, како и присуство на новинарите.
Првите две рочиште за случајот „Дива населба“  во кој се обвинети 29 лица се товарат за тероризам и учество во терористичка организација се одржаа во големата сала Врховниот суд.
На 9 и на 10 мај минатата година во кумановската Дива населба вооружена група се судри со безбедносните сили. Во престрелката загинаа осум полицајци од специјалните и посебните единици на МВР, додека четириесетина беа тешко повредени.  Убиени беа и десет лица од вооружената група.
Новото судско рочиште за Дива населба“ е закажано за 8 март.Тројца од адвокатите на обвинетите ја напуштија судницата, поради лошите услови во кои се одвива судењето. Адвокатите се казнуваат со по 1.200 евра