Вчера ја отворивме приказната за емоционалните манипулатори (видете ЛИНК), во која ја начнавме темата за тоа какви се тие луѓе и колку всушност можат да ви наштетат со своето однесување. Ги набројавме првите четири начини на нивното однесување и како да се заштитите, денеска следат останатите четири.5. Емоционалните манипулатори играат валкано. Тие не мораат директно да се соочуваат со работите. Ќе ви зборуваат зад грб и другите наместо нив ќе ви ги кажуваат работите кои тие самите би требало да ви ги соопштат. Тие се навистина пасивно-агресивни личности со кои ретко кој би можел да издржи. Пример: „Душо, навистина би требало да се потрудиш малку повеќе на работното место“. И неколку дена подоцна, кога ќе заборават што ви кажале, голема е веројатноста да го чуете ова: „Тебе животот ти се врти околу работата, тоа не значи дека мојот живот треба да застане поради тоа“. Ова е фрустрирачко нели?
6. Ако имате главоболка, за емоционалниот манипулатор тоа е сигнал дека имате тумор! Без разлика во каква ситуација се наоѓате, тие со сигурност од мравка ќе направат слон. Ако случајно го искоментирате нивното однесување, тие ќе станат „длабоко“ повредени и ќе ве наречат себични.
7. Емоционалните манипулатори ја имаат способноста да влијаат на луѓето околу себе. Кога некои од овие луѓе се лути или тажни, тие веднаш го будат инстинктот кај другите да пронајдат некој начин за да ги утешат или заштитат. Доколку подолго време се држите до нив, верувајте дека за некое време ќе ги заборавите вашите потреби.
8. Емоционалните манипулатори немаат чувство за прилагодливост. Тие не преземаат одговорност за себе и за своите постапки – работата секогаш се однесува на тоа што „некој им има направено“. Овие луѓе ќе ги препознаете по тоа што секогаш ќе ве натераат да мислите дека се жртви и да им бидете 24-часовна заштита. Верувајте кога ќе ви кажеме дека емоционалните манипулатори се ранливи колку и бесен питбул. Секогаш со нив ќе имате проблеми кои треба да ги надминувате.5. Емоционалните манипулатори играат валкано. Тие не мораат директно да се соочуваат со работите. Ќе ви зборуваат зад грб и другит
