Значителна промена на времето ќе има утре кога поради спуштање на поларна воздушна маса од север ќе има врнежи од снег, најпрво во северните и западните, а потоа и во останатите делови. Во јужните делови најпрво врнежите ќе бидат од дожд, а потоа ќе преминат во снег. Пообилни врнежи се очекуваат во попладневните и ноќните часови. Врнежи од снег ќе има и во петок, особено претпладне, но со намален интензитет. Насекаде ќе се формира снежна покривка, на планините и до 50 сантиметри, информираат од Управата за хидрометеоролошки работи. Во Скопската котлина можно е снежната покривка да биде околу 10 до 15 сантиметри.
Од утре попладне до сабота ќе дува засилен, повремено силен северен ветер, поради што на места ќе има и снежни навеви.
За време на викендот облачноста делумно ќе се намали и ќе биде многу студено.
Преку денот најстудено се очекува во сабота со температури од -12 до -6, а во недела утринските температури ќе се движат од -22 до -10 степени. Потоа температурите ќе бидат во благ пораст.
Управувачкиот комитет за кризи, во врска со најавата од УХМР за врнежи од снег и многу ниски временски температури на територијата на Македонија во наредните денови, вчера донесе повеќе заклучоци и препораки.
Превентивните мерки се во случај да се појават определени ризици при снабдувањето со електрична енергија, сообраќајот, ризици по здравјето и водоснабдувањето.
Заклучоците и препораките од Управувачкиот комитет за кризи се однесуваат на надлежните институции кои треба да бидат со зголемена оперативна подготвеност во случај на нарушување на системот за снабдување со електрична енергија и во сообраќајот. Управувачкиот комитет донел заклучоци со кои се наложува во текот на денешниот ден сите општини во Македонија да формираат кризни штабови. Во Скопската котлина можно е снежната покривка да биде околу 10 до 15 сантиметри.
Од утре попладне до сабота ќе дува засилен, повремено сил
