Пратеникот на ВМРО-ДПМНЕ Васил Пишев денеска на прес-конференција изнесе нови примери, од кои, според него, „се гледа дека општина Струмица плаќала сто проценти поскап превоз од Битола“.-За релацијата Чанаклија- Гечерлија-Сарај-Струмица што е во должина од 14 километри, Општина Струмица плаќала 120 денари, додека Општина Битола за исто толкава раздалеченост на местата Битола- Добромири плаќа 66 денари, што е скоро 100 проценти, односно двапати повтина цена. За релацијата Вељуса-Водоча-Баница-Струмица што е некаде околу 9,8 километри Општина Струмица плаќа по 70,5 денари по ученик, а Општина Битола за релација со слична должина Битола-Брусник плаќа по 39 денари, или скоро двапати поевтино, рече Пишев.
Тој додаде дека „Тритерол“ ДООЕЛ Струмица, сопственост на, според него, функционерот на СДСМ Лефтер Андонов, ја добила и релацијата Старо Коњарево – Дражево – Смолари – Ново Коњарево – Самоилово-Струмица за цена од 133 денари по ученик што било за 39 денари повеќе од цената што ја плаќала Битола за релација со приближно иста должина Битола-Бучим од 94 денари.
– Најеклатантен пример за разграбување на граѓаните- за релација Струмица- Чанаклија-Гечерлија-Сарај-Просениково што е во должина од 24 километри, Општина Струмица плаќа дури по 160 денари по ученик, а за исто толку долга релација од Битола до Иванчевци, Општина Битола плаќа само 49 денари или триипол пати помалку од Општина Струмица и Зоран Заев, рече Пишев.
Побара, СЈО да престане со, како што наведе, „политичкиот прогон на Владимир Талевски“ и да се позанимава со „аферата за двојно преплатен превоз на Зоран Заев во Струмица“. Истовремено, побара и обвинителството и другите надлежни институции да испитаат зошто Струмица плаќала, според него, 100 проценти поскап превоз од Битола.
-Да се направи точна проценка на штетата и да се санкционираат сторителите на овој скандал кој отвора сомненија за тежок криминал, додаде Пишев.-За релацијата Чанаклија- Гечерлија-Сарај-Струмица што е во должина од 14 километри, Општина Струмица плаќала 120 денари, додека Општина Битола за