Откриена е содржина на една од последните електронски пораки кои Андреас Лубиц (27), копилотот на Ербас А320 на германскиот авиопревозник „Џерманвингс“, му ги пратил на својот доктор пред да се забие минатата година во март во француските Алпи, пришто загинаа сите 149 патници и членови на екипажот.Копилотот му напишал на докторот дека поради зголемената доза на антидепресиви има напади на паника и дека стравува од губење на видот, пренесе Мирор.
„Страв ми е дека ќе ослепам. Не можам да го исфрлам тоа од мислите.“ – напишал Лубиц.
Му се пожалил на докторот дека чувствува повишен очен притисок.
„Сѐ ќе беше во ред да немав проблем со очите.“ – напишал Лубиц, кој страдал од депресија и проблеми со видот и стравувал дека поради тоа би можел да остане без работа.
Да потсетиме, Лубиц во период од пет години пред фаталниот лет, контактирал повеќе од 40 доктори, а поради депресија бил на раб да изврши самоубиство.
Финалниот извештај што требаше да открие што навистина се случило на летот, требаше да биде објавен на 13 март. Германски Билд објави дека неколку дена по несреќата, психијатарот на Лубиц порачал: „Немојте само да ми кажете дека тој управуваше со авионот.“Копилотот му напишал на докторот дека поради зголемената доза на антидепресиви има напади на паника и дека стравува од губење на видот, пренесе Мир
