Државниот погреб на светската политичка икона и борец против апартхејдот Нелсон Мандела, кој почина на 5 декември на 96-годишна возраст, почна утрово во селото Куну, каде што тој го поминал детството и каде живееше по повлекувањето од политиката.Церемонијата почна со религиозни песни, на имотот на семејството Мандела, во присуство на 4.500 лица.
Меѓу присутните на погребот ќе бидат претседателите на Танзанија и Малави, премиерот на Етиопија, потпретседателите на Замбија, Иран и Никарагва, кралот на Лесото и британскиот престолонаследник, прицот Чарлс.
Погребот ќе биде мешавина од традиционални ритуали, христијански елелементи и оние кои го одликуваат погребот со државни почести.
Повеќето од околу седум милиоми припадници на племето Коса живеат на североистокот на државата во провинцијата Источен Кејп, а нивната култура го признава постоењето на душата на претците. Според традицијата наречена Тета, постариот член на семејството е должен да остане со телото на Мандела и да и објасни на душата на починатиот што се случува.
– Кога телото лежи таму, душата е се уште жива, рече пречесниот Весли Мабуза, претседавач на Комисијата за промоција и заштита на правата на културните, верските и лингвистичките заедници на Јужна Африка.
Според обичаите, телото на починатиот мора една ноќ да остане во семејната куќа пред погребот. Починатиот мора да биде замотан во специјална ткаенина, а за лицата од висок ранг како Мандела, кој е син на лидерот на кланот, телото или ковчегот мора да бидат замотани во кожа од леопард. Но поради тоа што Мандела исто така е поранешен државник, ќе биде и знамето на Јужна Африка.
Мандела ја предводеше мирната транзиција во Јужна Африка со префрлањето на власта од белото малцинство на црнечкото мнозинство во 90-те години на 20-от век, откако претходно во затвор помина 27 години.
Мандела беше еден од највлијателните светски државници, но по повлекувањето од претседателката функција им ја остави политичката работа на своите наследници, а по 2004 година се повлече од јавниот живот на земјата и мошне ретко се појавуваше во јавноста.
Нелсон Мандела е роден во 1918 година. Како студент по правово 1943 година му се приклучува на Африканскиот национален конгрес (АНЦ). Од тогаш со своите сопартијци ја почнува кампањата против апартхејдот и владеењето на белото малцинство во Јужна Африка. Во 1956 година е прв пат обвинет за предавство, но по четири години судење обвинувањето е повлечено. Во 1962 година е одново уапсен и и осуден на пет години затвор. Две години подоцна, обвинувањето е проширено и за саботажи, по што е осуден на доживотен затвор.
Во 1990 година Мандела беше ослободен, а неговиот АНК легализиран. Во 1993 година ја доби Нобеловата награда за мир, а следната година беше избран за првиот црнец претседател на Јужна Африка. На крајот на својот петгодишен мандат во 1999 година се повлече од функцијата и од политиката.
Во годините потоа, Мандела беше вистински амбасадор на новата јужноафриканска реалност, промовирајќи ја земјата низ светот. Тој учествуваше во кампањата против ХИВ/СИДА и за тоа Јужна Африка да биде домаќин на Светското првенство во фудбал во 2010 година. Како почитуван државник, Мандела се вклучуваше и во мировните процеси во Конго и Бурунди, но и во другите делови од Африка и од светот.
Луѓето во расно измешаната Јужна Африка велат дека тој ќе остане запаметен како „татко на нацијата“, кој го урна системот на апартхејдот, изведе мирна транзиција, обединувајќи ги црните и белите жители и ја издигна земјата, која се наоѓаше на работ од граѓанска војна.Церемонијата почна со религиозни песни, на имотот на семејството Мандела, во присуство на 4.500 лица.
Меѓу присутните на погребот ќе бидат
