Повеќе од две илјади пријавени учесници денеска ќе се вклучат во пролетното искачување на Водно, во рамки на натпреварот „Прв до врв“.Стартот е пред училиштето „Кочо Рацин“, од каде учесниците ќе се упатат кон врвот на Водно, а таму во 11 часот ќе се одржи забава со диџеј Милан Бибановски.
За сите учесници кои ќе пристигнат на целта на врвот на Водно, компанијата АрселорМитал обезбеди вода и овошје за освежување, а најбрзите 300 ќе бидат наградени со книги за здрав начин на живот и здрава исхрана.
Еко-партнерот „Пакомак“ ќе подели едукативни еколошки речници и ќе се погрижи за хигиената и зачувувањето на природната околина на Водно.
Во настанот традиционално учествуваат планинари, велосипедисти, спортисти и рекреативци.
Ова е трето месечно издание на „Прв до врв“, по оние кои се одржаа за Бадник во јануари и за свети Трифун во февруари. Месечните настани „Прв до врв“ немаат натпреварувачки карактер и се организираат со цел да се поттикнат што повеќе граѓани да учествуваат во заеднички и масовен тренинг, како и рекреација во искачување на Водно.
Главниот настан „Прв до врв 2015“ со организирани натпревари во планинско трчање, планински и друмски велосипедизам, е закажан за 24 мај.Стартот е пред училиштето „Кочо Рацин“, од каде учесниците ќе се упатат кон врвот на Водно, а таму во 11 часот ќе се одржи забава со ди
Повеќе од 2.000 учесници ќе се вклучат во пролетното искачување на Водно „Прв до врв“
