14 јули 2016, Скопје – Издавачката куќа „Антолог“ од Скопје со големо задоволство ја најавува промоцијата на хаику-збирката Дрво кое шепоти од Борис Митковски, која ќе се одржи на 14 јули 2016 година (четврток) во фоајето на Центарот за култура „Трајко Прокопиев“ во Куманово, со почеток во 19:30 часот. Промотори на делото ќе бидат д-р Џеси Франсуа, теолог на Сорбона, и Душко Крстевски, поет и литературен критичар.
 Дрво кое шепоти е втора стихозбирка на Борис Митковски и се состои од 150 хаику-творби, инспирирани од христијанската мисла и философија.
 
„Сите негови хаику-творби се всушност – богојавление, мал миг во кој срцето и умот го созерцуваат Бога, стануваат свесни за поврзаноста на нештата и за Оној кој ги создал. Во хаику-творбите на Митковски, во навидум неповрзаните слики, се бара Он… Сè на сè, станува збор за интересна мутација на изворната хаику-структура и нејзино културно прекодирање во кодовите на христијанството“, пишува во рецензијата кон книгата писателот Венко Андоновски.
 
Книгата е објавена со поддршка на Министерството за култура на Република Македонија.
 
Борис Митковски е роден во 1976 година во Куманово. Завршил Теолошки факултет на Универзитетот „Св. Кирил и Методиј“ во В. Трново, Бугарија, a постдипломски студии на American Heritage University of South California, насока бизнис-администрација. Поезијата го интересира уште од средношколски денови, особено хаику. Работел и во Авганистан, каде што и се инспирирал да ги напише стихозбирките Патот (2013) и Дрво кое шепоти (2015).
 
Со овој настан ќе заврши и тродневниот саем на книга во Куманово, во организиција на „Антолог“ и библиотеката „Тане Георгиевски“ од Куманово.Дрво кое шепоти е втора стихозбирка на Борис Митковски и се состои од 150 хаику-творби, инспирирани од христијанската мисла и философија.