Кога ќе ја прочитате оваа приказна, во секунда ќе сфатите колку штета себе си секојдневно си нанесувате.На социјалните мрежи, по повод Светскиот ден на менталното здравје, се појави оваа интересна и поучна приказна. Ќе ви треба само една минута да ја прочитате, а поуката која ќе ја извлечете ќе ви остане за цел живот.
„Професорот го започнува часот така што зема во рака чаша полна вода. Ја крева во висина така што сите да можат да ја видат и прашува:
– Што мислите, колку е тешка оваа чаша?
– 50 гр…100 гр… 125 гр…. – погодуваат студентите.
– Вистината е всушност дека ни јас не знам. И додека не ја измериме, не можеме да бидеме сигурни – вели професорот. Но јас сакав да ве прашам нешто друго. Што ќе се случи ако ја држам вака подигната чашата, да речеме неколку минути?
– Ништо! – велат студентите.
– Добро. А што ќе се случи ако ја драм вака крената чашата цел час? – прашува професорот.
– Ќе почне да ве боли раката – брзо одговара еден студент.
– Точно. А сега, што ќе се случи ако ја држам чашата на овој начин цел ден?
– Раката од толкав напор ќе почне да ве боли,а можно е да ви се вкочанат мускулите, можеби дури и ќе ви се парализира раката. И многу е можно да почувствувате потреба итно да одите на лекар.
– Многу добро…А додека сето тоа се случува, што мислите дали се променила тежината на чашата?
– Не! – одговараат во еден глас
– Па која е тогаш причината за болка во мускулите?
– Студентите се збунети. Ситуацијата личеше на загатка и сите почнаа да бараат одговор.
– Што треба да направам за да се ослободам од болката во оваа ситуација? – вели професорот….
– ПУШТЕТЕ ЈА ЧАШАТА! – се слушна одеднаш од анфитеатарот.
– Дааааа тоа е тоа. Тоа е одговорот. Пуштете ја чашата! – скокна професорот – Тоа истото се случува и со вашите проблеми во животот и со вашите тешки мисли.
– Да мислите на нив неколку минути е нормална работа, и во тоа нема ништо неисправно или погрешно. Но ако ги задржувате во вашиот ум некое подолго време ќе почувствувате БОЛКА. А ако тоа го правите многу долго, премногу долго – ќе се почувствувате парализирано, нема да бидете во состојба да правите било што друго.
– Многу е важно да размислите за одредени случувања или доживувања во вашиот живот и да изведувате заклучоци од нив, но уште поважно е да знаете како да го ослободите умот од тие проблеми на крајот од секој ден…Да „ги пуштите да паднат“ пред да потонете во сон. Така за себе ќе заштедите голем стрес и напор и секое утро ќе се будите свежи, ведри и одморени. Ќе чувствувате дека сте исполнети со нова сила и со леснотија поминувајте ги сите ѓивотни предизвици без оглед на тоа во каква ситуација сте се нашле.“На социјалните мрежи, по повод Светскиот ден на менталното здравје, се појави оваа интересна и поучна приказна. Ќе ви треба само една минута да ја
