Залудно ги јадете здравите намирници ако не внимавате како ги припремате, бидејќи од тоа зависи колку хранливите состојки ќе дојдат во вашиот организам, советува Наоми Хајнес, нутриционистка од Велика Британија. Дури и малите промени во припремата на храната можат значително да го подобрат квалитетот на нашата исхрана, вели таа. Таа открива трикови како да припремаме одредени намирници, за притоа да се сочуваат сите активни хранливи состојки што ги содржат. На пример, тврди дека зеленчукот е најдобро да се подготвува во микробранова печка бидејќи така ќе се сочуваат повеќе витамини отколку да се вари во вода.
 
  
 
 
 Ова се нејзините совети:
-Избегнувајте го готвењето на зеленчукот во вода. Подобар избор се микробрановата печка или готвењето на пареа.
-Измијте го зеленчукот под млаз вода, немојте да го оставите да се кисне бидејќи така повеќе се губат хранливите состојки.
-Јадете зеленчук со барем малку маснотија, на пример маслиново масло или сирење. Маснотијата ја помага апсорбцијата на хранливите состојки во телото.
-Припремајте го компирот неизлупен – така ќе сочувате некои важни состојки. На пример, акоприпремите 300 грама излупен компир, во него ќе остане 5% од препорачаната дневна количинана железо, и 37% од препорачаната дневна количина на витамин Ц. Додека истата количина ја подготвувате неизлупена, во компирот ќе остане 18% железо и 48% витамин Ц од препорачаната дневна количина.
-Сечете го зеленчукот на што поголеми парчиња зашто така ќе изгуби помалку хранливи состојки.
-Ако правите овошен сок, секако во него вратете го делот од пулпата што останала бидејќи содржи влакна корисни за нашиот организам.
-По купувањето салата разделете ја на мали парчиња (не ја сечете со нож) пред ставање во фрижидерот, но не ја држете внатре подалеку од еден ден – така ќе почне да создава фитонутриенти (силни антиоксиданти)
-Избегнувајте да купувате дресинг за салата бидејќи содржи различни видови на адитиви, наместо тоа подобро е да направите свој дресинг од маслиново масло и балсамиран оцет.
-Оставете го лукот да отстои десет минути по сечкањето. Така во него ќе се развие алицин – состојка што е одлична за здравјето. Освен тоа, лукот со отстојувањето станува повкусен.
-Храната богата со железо секогаш јадете ја со храна богата со витамин Ц, бидејќи му помага на железото подобро да се апсорбира во нашето тело.
-Тестенините секогаш гответе ги на начин да останат цврсти. Така ќе имаат низок гликемиски индекс, што значи дека ќе бидат поздрави бидејќи нема толку да го подигаат нивото на шеќер во крвта.
-Заменете го белиот шеќер со мед или со цимет. За споредба – 100 грама шеќер има 387 калории, и воопшто нема калиум, калциум и железо. Иста количина на мед, пак, содржи 304 калории, еден процент од дневната препорачана количина на калиум, и два проценти од дневната препорачана количина на железо, а иста количина на цимет содржи 247 калории, 12 проценти од дневната препорачана количина на калиум, 100 проценти од дневната препорачана количина на калциум и 46 проценти од онаа на железото.
-Намалете ја количината на сол во храната. Наместо тоа, вкусот надополнете го со ѓумбир, лук, куркума, или ким.
 
 
  
 
 
 Ова се нејзините совети:
-Избегнувајте го готвењето на зеленчукот во вода. Подобар избор