Кина (вклучувајќи го и Хонгконг), останува недостижен светски лидер во производството на фалсификувана стока со удел од 63%, но од друга страна, во оваа листа е Турција со најмалку 3,3%, се вели во извештајот на Организацијата за економска соработка и развој (ОЕЦД), објавен во понеделникот.Податоците се базирани на пријави до властите, кои вклучуваат речиси половина милион случаи на уапсени во 2010-2013 година од страна на цариниците. Голем број производи се создадени без дозвола, што укажува дека вистинскиот обем е поголем.
Според ОЕЦД, ако се прифати дека вкупниот обем на трговијата во 2013 година бил 17,9 трилиони долари, тогаш оваа со фалсификатите достигнува 461 милијарди долари. Тоа значи дека од турските производители пласирале фалсификувани производи за над 15.2 милијарди долари.
На чело на листата за создавање на пиратски стоки следат Сингапур (1.9%), Тајланд (1,6%), Индија (1,2%), Мароко (0.6%), Обединетите Арапски Емирати (0,5%), Пакистан и Египет (по 0.4%) .
Најмногу оштетени од ваквата злоупотреба се САД, бидејќи според податоците, во периодот помеѓу 2011-2013 година секој петти фатен пиратски производ влијаел врз една американска компанија. Загубите не се само за бизнисот, но и за приходите во буџетите на земјите.
За фалсификување на луксузни стоки, следат Италија (15%), Франција и Швајцарија (по 12%). На листата се уште Јапонија и Германија (по 8%), Велика Британија (4%), Луксембург (3%), Финска, Шпанија и Белгија (2%). Кинезите исто така трпат загуби од нелегалното копирање, бидејќи околу 1% од сета запрена пиратска стока во светот се имитации на кинески производители.
Фалсификувањето на стока како чантите Louis Vuitton и спортските чевли Nike, постојано расте во последните 10 години. Претходната ваква глобална студија на ОЕЦД во 2008 година покажа дека тоа е бизнис, со заработка до 1,9% (или 200 милијарди долари) од увозот во светот. Во 2013 година само во Европската унија се увезени фалсификати за близу 116 милијарди долари, или 5% од целиот увоз во земјите-членки.
Едно од објаснувањата за промената е и обновата на светската економија по шокот од крајот на изминатата деценија. Но, од седиштето на организацијата во Париз, се вели дека клучна улога игра интернет трговијата, а поштенските пратки се водечки метод за транспорт на такви производи – цели 62% од сите запленети фалсификувани стоки за 2011-2013 година (Извештајот не ја анализираше онлајн пиратеријата, што нанесува дополнителни загуби).
Овој сообраќај се движи во комплексни правци, кои минуваат низ дистрибутивните пунктови како Хонгконг и Сингапур, или зоните за слободна трговија како оваа во Обединетите Арапски Емирати. Пренесувањето поминува и во земјите со слаба администрација, масовна корупција и организиран криминал и погодени од конфликти – земји како Сирија и Авганистан. 
Авторите на извештајот истакнуваат дека трговците со фалсификати се многу флексибилни и речиси секоја година го менуваат правецот при откривање на нови слаби држави по планетата.
Водечките економии во светот се крајна дестинација поради потрошувачката на луксузни стоки, но и затоа што не се достигнува капацитетот на агенциите за спроведување на законот.
Се фалсификуваат секакви стоки – од чанти и парфеми, до играчки, лекови, машински делови и хемикалии. За пиратите на трговски марки и права најомилен производ се обувките, но интересот им се протега и до банани и јагоди.Податоците се базирани на пријави до властите, кои вклучуваат речиси половина милион случаи на уапсени во 2010-2013 година од страна на цариниците.