Во Општина Бутел каде што денеска треба да бидат осветени темелите на крстот што ќе се гради на вркстувањето на улицата „Боца Иванова“ и улицата „Александар Урдаревски“, претпладнево е забележливо зголемено присуство на полицијата.Полициски сили се распоредени на пристапните сообраќајници околу локацијата и го пренасочуваат сообраќајнот.
Претходно, симпатизери на ДУИ за денеска најавија протест поради изградбата на крстот. Советниците на ДУИ во општина Бутел вчера на прес-конференција кажаа одлука на Советот на Општината за изградба на крст е „нелегалната и провокативна“.
Крстот е реплика на оној од општината Аеродром, ќе биде монтажен, висок 51 метар, широк 4 метри, со распон на краците од 34 метри, врз постамент од 5,5 метри и фрески на дванаесетте свети апостоли. На крстот ќе биде изведена инсталација за енергетска самоодржливост, а местото околу крстот ќе биде хортикултурно уредено. Крстот треба да биде изграден најдоцна за два месеца.
Изработката на проектната документација, како и трошоците за поставување и изведување на крстот е донација од правни и физички лица. Воопшто не се користат буџетски средства од општината, Градот или Републиката. По изградбата, крстот ќе биде предаден во сопственост на општината Бутел.
Инцијативата за изградба на крстот е поднесена од Светскиот македонски конгрес на 18 февруари 2016 година до Советот и градоначалникот на Општина Бутел. Советот ја донесе одлуката на 23 февруари, а градоначалникот го издаде одобрението за градба на 25 февруари.
Чинот на осветувањето ќе го изврши поглаварот на Македонската православна црква г.г. Стефан архиепископ охридски и македонски, со свештеници од Скопската епархија.Полициски сили се распоредени на пристапните сообраќајници околу локацијата и го пренасочуваат сообраќајнот.
Претходно, симпатизери на ДУИ