„За заедничка Македонија“: Нема да им помине, најсилното и единственo оружје сме сите ние! Браќа и сестри и другари и другарки. Сите кои Верувате во Македонија, во идејата за заедничка Македонија…
Борбата е долга и никогаш не престанува.
Ќе пробаат со се да не разбијат. Со спинови, со навреди, со закани. Со етикетирања и со навреди. Сакаат да не нема од улиците, од нашиот пат, бидејќи се плашат од нас и бидејќи нашиот пат не е и нивни пат. Нашиот пат е пат на достоинство, чест и ред, нивниот пат е пат на силување на демократијата и газење на Уставот и законите во Република Македонија.
Нема да им помине. Нема да успеат, без оглед на тоа што некој мисли во моментов. Нема, бидејќи ние сме тука. Бидејќи ние веруваме. И бидеќи ќе бидеме поупорни од нив.
Веруваме во правото, веруваме во правдата. Веруваме во борбата против современите начини на окупација на една земја.
Работите треба да ги нарекуваме со вистинското име. Ова не е демократија. Ова не е правда. Ова не е суверенитет.
Ова е еден вид на окупација, со самоназначен пара-претседател на Собрание. И оваа евробирократска дивоградба на моќни сили, создадена на брзина, секогаш ќе остане дивоградба. Не може да ја легализира никој освен граѓаните на избори. И колку и некој да не сака да ги слуша граѓаните, ќе дојде ден кога гласот на народот ќе победи. Бидејќи гласот на граѓаните за Заедничка Македонија е глас за почит, глас за љубов, глас за мир, разум и достоинство. Глас за гордост, почит и против дискриминација. Тој глас ќе победи. Бидете сигурни во тоа. Но, до победата, мора да се бориме.
Тоа е нашиот ген. Победите не доаѓаат поклонети, ниту пак доаѓаат лесно. Слатки се кога се заслужени, итоа со сопствени сили. Таков е Македонскиот ген. Се бори секогаш. Тоа е пирејот кој не може да исчезне, кој не може да биде уништен. Тоа е пирејот кој секогаш ќе го има и секогаш ќе расте. Како Фениксот кој се издига од пепел, така и ние ќе се издигнеме од пепелта во која некои сакаат да ја покријат слободната волја на граѓаните, правото и демократијата во Македонија.
Граѓани на Заедничка Македонија… Како изгледа животот без ред? Редот е процедура. Редот е законот. Кога некој го гази редот и го крши законот, и за тоа бара легитимитет во окупациските методи на недоброамерниците кон Македонија, тогаш борбата против окупаторот е единствена опција. Бидејќи ако не се бориме, утре ќе дојдат и од дома ќе не иселуваат, противзаконски, со изговор дека за тоа амин им дал некој костумосан бирократ од најдлабоките темнини на местата каде зборот демократија и правда, закон и ред, се газат и пеплосуваат, се користат само кога и како што некому му одговараат.
Браќа и сестри и другари и другарки, сите за Заедничка Македонија,
Во таква ситуација борбата против „окупаторот“ е единствена опција. Борбата која Уставот кој не го кршиме ни ја овозможува на мирен демократски начин. Со постојаност, со истрајност, со непопуслитвост. Ова е борба за принципи, ова е вистинската борба за правдина во Македонија.
А во таа борба, најсилното и единственото оружје сме сите ние.
И ќе победиме.
Се гледаме во 17:00 пред Влада.
Браќа и сестри и другари и другарки. Сите кои Верувате во Македонија, во идејата за заедничка Македонија…
Борбата е долга и никогаш