Британската пејачка Адел купила еден од имотите на популарниот актер Силвестер Сталоне по намалена цена, откако истиот не се продал за сумата која била првично понудена.
33-годишната Адел издвоила 58 милиони долари за огромниот имот во Беверли Хилс кој претходно се продавал за 110 милиони долари. Со оглед на површината од 1752 квадратни метри, на оваа екслузивна локација нема многу поголеми имоти.
Нејзиниот нов албум наречен „30“, како и претстојната турнеја ќе ѝ донесат одлична заработка на пејачката така што купувањето на овој луксузен имот нема да претставува ништо посебно кога станува збор за нејзините финансии.
Адел веќе поседува голема куќа во Лос Анџелес во која живее со синот Анџело.
