Три лица уапсени од Србија и едно во Чешка за лажни пријави за бомби.
Во тек е голема операција на Министерството за внатрешни работи и Одделот за високотехнолошки криминал на Србија.
Вчера српското МВР соопшти дека до крајот на денешниот ден се очекува да спроведе опсежна меѓународна акција за апсење на лица поврзани со чести пријави за експлозивни направи во различни образовни институции на територијата на Србија.
– Поради зачестените пријави за експлозивни направи во различни образовни институции на територијата на Србија, Министерството за внатрешни работи ги ангажираше сите човечки и материјално-технички ресурси за подобрување на безбедноста на децата, а во соработка со надлежното обвинителство, презема активности за откривање и гонење на одговорните лица, соопшти вчера МВР.
Од почетокот на учебната 2023/2024 година, примени се вкупно 80 пријави на неколку десетици електронски адреси во различни образовни институции на територијата на Србија.
Според секоја поединечна пријава, полициските службеници постапувале одговорно и професионално, извршиле прегледи и сите потребни проверки, врз основа на кои било утврдено дека пријавите се лажни, додаваат од српското МВР во заедничкото соопштение.
Пронајдете не на следниве мрежи:
