Обвинителството побара, а Судот донесе решение и го прифати барањето за нови 30 дена притвор за Бојан Јовановски- Боки 13 и Зоран Милески- Кичеец кои се осомничени во случајот „Рекет“.
Кривичниот совет при Основниот кривичен суд- Скопје постапувајќи по предлог на Основното јавно обвинителство за гонење организиран криминал и корупција за продолжување на мерката притвор за Б.Ј. и З.М. опфатени во предметот во медиумите познат како „Рекет“, по разгледување и ценење на фактите и доказите донесе решенија со кои го прифати предлогот и ја продолжи мерката притвор за нови 30 дена.
