До денес не е можно формирање влада во Бугарија. Утре ќе го предложиме Раја Назарјан за претседател на Националното собрание. Гласањето ќе одреди дали ќе продолжиме да преговараме. Ова го изјави лидерот на ГЕРБ, Бојко Борисов, пренесе БГНЕС.

Борисов, во присуство на преговарачкиот тим со учество на Деница Сачева, Раја Назарјан и Теменужка Петкова, ги информираше пратениците за напредокот на разговорите со парламентарните партии.

„Ме иритираа десетиците аналитичари. Овде зборуваме за критична состојба на државата, време за одговорност, а не за теснопартиски интереси, да си ја спасиш партијата и да одиш во опозиција и да лаеш секој ден против тие што си земале за право да ја спасат државата. Не е фер и нема да се случи“, нагласи Борисов.

„До денеска не е можно формирање влада. Утре ќе го предложиме Раја за претседател на парламентот и ќе го чекаме гласањето. Со гласањето ќе биде јасно дали ќе продолжиме да преговараме“, категорично изјави Борисов.

Тој потсети дека и покрај огромната разлика имаат еден заменик помалку. „Со 68 пратеници од 240, со ваква неодговорна политичка класа, за секој од нив е самоубиство“, изјави тој.