Со помош на вештачка интелигенција откриени се лицата на луѓето кои најчесто ги изневеруваат своите партнери. Резултатот беше зачудувачки, бидејќи никогаш не би рекле дека се склони кон измами врз основа на нивниот физички изглед.Дали сте во четириесеттите, ќелав човек со голем нос? Според истражувањето спроведено  од MrQ, поголема е веројатноста да го изневерите партнерот.„ Ги расветливме физичките особини поврзани со оние кои се склони кон изневерување “, рече Рози Маскел, виш маркетинг директор во MrQ. Оваа контроверзна анкета опфати 2.000 Британци, од кои многумина доживеале измама , а резултатите беа искористени за да се создаде „фото-фит“ претстава на типичен измамник преку генерирање слики со вештачка интелигенција.Резултатите покажаа маж во четириесеттите со сино-сиви очи, ретка или без коса и линии на намуртено лице. Со мали усни и поголем нос, тој приказ е типичен за некој што го изневерува партнерот.Женската верзија на измамникот, според илустрацијата, била во раните педесетти години, со темна коса и мал нос.И мажите и жените се прикажани како витки со „испакнати очи“. Маскел истакна дека 41% од испитаниците биле запознаени со измамите, што сугерира дека многумина може да се идентификуваат со карактеристиките прикажани на сликите, пишува New York Post . Студијата покажа дека мажите изневеруваат почесто од жените, при што 35% од мажите признале дека изневерувале барем еднаш, во споредба со 24% од жените. Интересно е тоа што жените имаат поголема веројатност да останат со своите партнери по прељубата; повеќе од 22% од нив останале со неверни партнери најмалку две години, додека само 13% од мажите го направиле истото.Според истражувањето, мажите на возраст од 45 до 54 години најчесто изневеруваат, при што 35% признале прељуба, а 54% од испитаниците во таа возрасна група откриле дека биле или жртви или сторители на неверство.Истражувањето исто така сугерира дека изневерувањето најверојатно ќе се случи на есен, па паровите треба да бидат внимателни, особено ако нивната друга половина ги има овие физички карактеристики.Иако резултатите се базираат на статистичка анализа, Маскел нагласува дека тие не важат за сите поединци.– Однесувањето на луѓето го обликуваат нивните одлуки и постапки, а не нивниот изглед.