Унгарските медиуми објавија видео на кое лидерот на опозицијата Петер Маѓар ги навредува своите приврзаници. Маѓар и неговата опозициска партија Тиса тврдат дека снимката е незаконски добиена и манипулирана.
На објавената снимка се слуша како Петер Маѓар и неговата поранешна партнерка Евелин Вогел разговараат за време на еден од протестите. Во видеото Маѓар се жали дека луѓето лошо мирисаат и се шегува дека луѓето чии внуци заминале во странство едноставно можеле да купат нови.
Маѓар подоцна изјави дека снимката е изманипулирана и дека на неа има реченица која не ја кажал, но не објасни за која реченица станува збор.
#magyarhang #kérdés 👉 https://t.co/fBJV9qy6QT
Kérdés, a nemzetbiztonsági bizottságnak van-e dolga Magyar Péter állításaival. Egyelőre az Országgyűlés nemzetbiztonsági bizottságának elnöke is vizsgálódik és tájékozódik, hogy van-e dolga az általa vezetett testületnek Magyar Péter… pic.twitter.com/DVdpxOAtzt— Magyar Hang 🇭🇺 (@MagyarHang) November 12, 2024
Претседателот на партијата Тиса тврди дека неговата поранешна партнерка Евелин Фогел снимила 11 часа разговори со него и барала 30 милиони форинти (околу 73.000 евра) за да не ги користи снимките против него.
На снимката се слуша разговор меѓу Маѓар и Вогел на протест во Будимпешта. Маѓар со вулгарен речник се жали дека се потел за време на протестот на 40 степени. „Што по ѓаволите правам овде“, рече тој.
Маѓар кажа и дека народот лошо мириса, а уште полошо им мириса од устата. Маѓар на шега и рекол на својата партнерка дека таа е единствената што не го цени.
Маѓар спомнува и извесен Марк, за кого вели дека „пишува глупости“ наместо да дојде. Не е јасно за кој Марк се работи, но заменик-претседателот на партијата се вика Марк Раднаи.
BREAKING:#Hungarian Opposition leader Peter Magyar releases voice recording of ex-girlfriend Evelin Vogel threatanig his party.
Evelin said she has 11 hours of footage that could ruin his reputation.
Peter says he’s not afraid, and will take Evelin to court. #Hungary 1/2 pic.twitter.com/7hs78aRwDK
— Atlantic Patriot 🇪🇺🇨🇦 (@Noirsoldat_) November 11, 2024
Маѓар излезе со соопштение во кое напиша дека веќе неколку дена знаел дека „ќе се обидат да го дискредитираат“ него и партијата со незаконски добиени и манипулирани снимки. Тој вели дека тоа се случува затоа што за првпат опозициската партија има реални шанси да ја смени владата на Орбан. Тој и се извини на унгарската јавност „бидејќи мора да ја слушаат оваа изманипулирана гадост“.
„Снимката е очигледно монтирана и манипулирана. Јас секако не кажав ниту една реченица“, рече Маѓар.
