„Спот“ е името на робот-кучето кое е задолжено да се грижи за безбедноста на новоизбраниот претседател на САД Доналд Трамп

Медиумските екипи стационирани пред Мар-а-Лаго, одморалиштетот во сопственост на новостариот претседтел на САД биле изненадени од глетката. Станува збор за најновата опрема на Тајната служба, робот-куче како патролира по имотот на Доналд Трамп во Флорида.

Роботот е изработен од компанијата „Бостон дајнамикс“, која не изнесува детали за неговите карактеристики, исто како и Тајната служба. Од она што може да се забележи роботот има камера и сензори како и натпис кој вели „не го галете“.

„Заштитата на новоизбраниот претседател е врвен приоритет“,рече Ентони Гуглиелми, претставник на Тајната служба.

Заштитата на Донал Трамп по изборите на 5 ноември е на највисоко можно ниво. Тој и како претседателски кандидат имаше силно обезбедување, особено по неуспешниот обид за атентат летово кога беше погоден во уво.

Извор – 360 степени