Натпреварот меѓу Партизан и Црвена звезда кој беше прекинат во воведните минути од второто полувреме ќе продолжи утре пред празни трибини.
Мечот беше прекинат по две минути игра во вториот дел кога Партизан водеше со 57-45. Тогаш навивачите на домаќините од трибините почнаа да ги навредуваат кошаркарите и фунционерите од Црвена звезда.

Играчите на Партизан се обидоа да ја смират тензијата за мечот да продолжи, но наместо да се случи тоа, од трибините почнаа да летаат предмети кон клупата на Црвена звезда, по што кошаркарите на црвено-белите решија да се повлечат во соблекувалната.

Беше донесена одлука да се испразнат трибините и мечот да продолжи во празна сала. Навивачите на Партизан бараа од своите кошаркари да не го доиграат мечот, се создаде вистински хаос, полицијата не можеше да избрка дел од фановите кои не сакаа да заминат.

Последната одлука е натпреварот да се доигра утре пред празни трибини.