Првите дози на вакцина АстраЗенека пристигнуваат денес во Хрватска. Иако многу земји одлучуваат да не вакцинираат лица над 65 години со оваа вакцина, Хрватска одлучи поинаку.
Да потсетиме, Хрватска нарача најмногу вакцини од АстраЗенека, станува збор за 2,7 милиони дози. Првите 16.800 дози на оваа фармацевтска компанија пристигнуваат денес, додека вакцинацијата ќе започне утре во ординациите на матичните лекари.
“Во клинички студии спроведени од АстраЗенека и земени во предвид од ЕМА, ефективноста во спречувањето на вакцините е малку поголема од 60%, ако зборуваме за позитивен тест за PCR и барем за еден симптом. Но, мора да нагласиме дека ниеден субјект кој примил вакцина немал потешки симптоми и не бил хоспитализиран, така што ефективноста на потешките форми на болеста е практично 100% “, рече Крунослав Цапак, првиот човек на хрватскиот Институт за јавно здравје.
Цапак додаде дека во Хрватска, втората доза на вакцина АстраЗенека ќе се дава 8-12 недели по првата доза.
