Индиската вселенска агенција денеска објави дека успешно го лансирала леталото Чандрајаан-3 на Месечината.
„Чандрајан-3 го започна своето патување до Месечината. Здравјето на екипажот е нормално“, се вели во соопштението на агенцијата.
Индискиот премиер Нарендра Моди изјави дека започна „ново поглавје во индиската вселенска одисеја“.
Тој го нарече лансирањето на ракетата големо достигнување што ја потврди „немилосрдната посветеност“ на индиските научници.
Телевизиските снимки покажаа како ракетата полета од космодромот во јужната држава Андра Прадеш, оставајќи зад себе облак од чад и оган, пренесува Ројтерс.
Ќе бидат потребни меѓу 15 и 20 дена за вселенското летало да влезе во орбитата на Месечината, во тој момент научниците ќе почнат да ја забавуваат ракетата за да обезбедат безбедно слетување.
NEW – India launches rocket to land a rover on the Moon.pic.twitter.com/syyjO3dtTu
— Disclose.tv (@disclosetv) July 14, 2023
Се очекува Chandrayaan-3 да слета на Месечината помеѓу 23 и 24 август, а вселенското летало се планира да биде првото што ќе го истражува јужниот пол на овој сателит на Земјата.
Chandrayaan-3 тежи 3.900 килограми, а неговата цена е 66,79 милиони евра. Доколку мисијата успее, Индија ќе биде четвртата земја во светот што слета на Месечината. Претходно во тоа успеаја САД, поранешниот Советски Сојуз и Кина.
Пронајдете не на следниве мрежи:
