Долгата брада е забранета на повеќето големи авиокомпании, што значи дека пилотите мора да го отфрлат неуредениот изглед , барем кога се во кабината. Иако тоа не е официјална политика што ја спроведуваат сите авиокомпании, портпаролот на FAA (Федералната управа за авијација) рече дека брадата и мустаќите можат да влијаат на безбедноста.„ Немаме никакви прописи според кои пилотите треба да бидат чисто избричени, но многу авиокомпании имаат правила кои бараат пилотите да бидат голобради или да имаат минимална брада, така што маските за кислород добро се вклопуваат ако треба да се стават“, објасни претставникот на ФАА – ех.
– Бараме маските за кислород да бидат функционални , а воздухопловните компании можат да бараат пилотите да бидат избричени или да имаат минимална брада за да го обезбедат тоа – додава тој.На „Делта ерлајнс“ на пилотите им е забрането да имаат брада и мустаќи за подобро да се вклопи маската за кислород, а слична политика има и „Американ ерлајнс“.– Не дозволуваме пилоти со брада да бидат на активна должност. Тоа е всушност фокусирано на безбедноста. Безбедноста е една од најважните работи во нашата индустрија – изјави нивниот портпарол.Загриженоста за брадата во воздухот потекнува од студијата на FAA од 1987 година, „Ефектите на брадата врз перформансите на маската со кислород “, која заклучи дека членовите на екипажот нема да можат брзо да стават маска за кислород, ниту пак би „ефикасно да се затворат“, доколку пилотите имаат бради.На патниците, се разбира, им е дозволено да имаат брада, но веројатно нема да се бара од нив да се вклучат во активности за трошење енергија што го забрзуваат дишењето – како што се очекува да прават членовите на екипажот, пишува New York Post.
