Ниту денеска, по два обиди уставните судии не успеаја да изберат нов претседател на Судот.

Во два наврати судиите гласале за предложените кандидати, при што ниту еден од кандидатите не го добил потребното мнозинство од 6 гласа, па оттаму информираат дека со согласност на сите судии било договорено седницата за избор да продолжи во понеделник, на 3-ти јуни.

Вчера ниту една од кандидатките не ги доби потребните гласови по трите гласања. Во трка беа судијките Татјана Васиќ Бозаџиева и Ана Павловска Данева.

Согласно Деловникот, постапката за избор се повторува се додека не се избере претседател на Уставниот суд.

Мандатот на претседателот на Уставен суд е три години, без право на реизбор.

На се уште актуелната претседателка на Уставниот суд – Добрила Кацарска, мандатот ѝ завршува на 2-ри јуни, во недела.