104

Замрзнатото овошје содржи диетални влакна, важна хранлива материја која ви помага да останете сити подолго, што го прави одлична опција за сите кои сакаат да ослабат. Диететичарите тврдат дека замрзнатото овошје е исто толку хранливо како и свежото овошје и дека нема причина да се избегнува во исхраната.

Диететичарите Џо Петерсон и Тоби Амидор издвоија пет видови замрзнато овошје кое најдобро е да се јаде доколку сакате да ослабете.

Банани

Една од најдобрите намирници кои треба да се чуваат при рака во замрзнувачот се замрзнатите банани, вели диететичарот Џо Петерсон. Тој објаснува дека „замрзнатите банани се совршен додаток на смути за да се создаде врвна кремаста, слатка конзистентност со засилување на хранливи материи“. Бананите содржат влакна кои поттикнуваат чувство на ситост, но и пробиотици погодни за цревата и калиум кој позитивно влијае на крвниот притисок.

Манго

Студија од 2022 година објавена во списанието Nutrients покажа дека и децата и возрасните кои консумираат манго имаат поквалитетна исхрана во споредба со оние кои не уживаат во овошјето. Особено, мажите кои јадат манго имаат поголема веројатност да имаат понизок БМИ, обем на половината и телесна тежина од оние кои избегнуваат манго, пренесе Eating Well.

Додавањето манго во вашата исхрана ги зголемува вашите шанси да добиете повеќе влакна, магнезиум, калиум и витамини А, Ц и Е, како и помалку додаден шеќер, што го прави одличен избор доколку сакате да изгубите тежина.

Јагоди

Една шолја замрзнати јагоди содржи 3 грама диетални влакна и само 50 калории, според USDA. Благодарение на нивниот нискокалоричен профил и природно слатка природа, тие се совршено задоволство што ќе го задоволи вашето слатко и во исто време ќе ви помогне да ги постигнете вашите цели за слабеење.

Според студијата од 2021 година објавена во списанието Nutrients, спроведена на возрасни со дебелина и покачен лош ЛДЛ холестерол, оние кои консумирале 2,5 порции јагоди дневно во текот на четири недели, имале корист од подобрувањата во отпорноста на инсулин и нивото на липиди, известува Eating Well.

Диви боровинки

„Дивите боровинки се помали од традиционалните свежи боровинки, но се и послатки со помалку шеќер“, објаснува диететичарот Тоби Амидор. За споредба, една порција шолја диви боровинки содржи десет грама природен шеќер и шест грама диетални влакна, додека обичните боровинки содржат 15 грама природен шеќер и четири грама диетални влакна, пренесе Eating Well.

Боровинките се богати со антоцијани, а редовното консумирање има корист од целокупното здравје, вклучително и здравјето на срцето, дијабетесот, одржувањето на тежината и невропротекцијата.

Цреши

„Црешите се богати со антоцијани, за кои е докажано дека помагаат за забрзување на опоравувањето на мускулите после вежбање“, објаснува Амидор, додавајќи дека имаат антивоспалителни својства. Доколку се обидувате да ги изгубите вишокот килограми или вежбате за да останете во форма, црешите се одлична опција за консумирање.