Екипата на Барселона одигра доминантна партија и го совлада Реал Мадрид (1-3) во финалето на шпанскиот Суперкуп кој пред полни трибини се одигра во Ријад, Саудиска Арабија.

„Кралевите“ беа непрепознатливи и одиграа ужасна фудбалска партија. Не памети кога вака лошо последен пат одиграл тимот на Карло Анчелоти кој беше тотално безопасен и на Барселона ѝ дозволи да му даде три гола. Главна фигура во Суперкуп финалето беше младиот Гави, кој одигра за историја. Младиот шпански фудбалер постигна гол и забележа две асистенции и така дојде до учинок во „Ел Класиката“ кој му успеал само на Јохан Кројф во далечната 1974 година.