Џуди Џејмс е експерт за комуникација и говор на телото и е автор на книги на оваа тема. Нејзината експертиза често се бара во телевизиските кругови и односи со јавноста. Таа за Дејли Мејл откри какви суптилни сигнали можат да значат дека љубовната врска е при крај.На почетокот таа тврди дека овие знаци не значат дека партнерот дефинитивно ќе ја прекине љубовната врска, туку навестуваат дека имало непожелни промени во врската. Првиот знак што го дава е нетрпеливоста. Ако вашиот партнер ја тресе ногата, чука со прстите или направи нешто слично што покажува дека е нетрпелив, тоа може да значи дека му е досадно и ги брои секундите до крајот на разговорот.Мобилен телефон, контакт со очи…Поставувањето бариери е еден од големите фактори, вели Џуди. Некој кој сака да ја прекине врската ќе почне да држи дистанца и да поставува бариери. На пример, кога седите надвор, тој ќе стави торба меѓу вас за да не може да ве држи за рака или да оствари физички контакт.Друг знак е употребата на мобилни телефони. Повеќето луѓе користат мобилен телефон ако не сакаат да комуницираат со личноста со која се во собата. Четвртата работа што се истакнува е контактот со очите. Ако вашиот партнер избегнува контакт со очите со вас, тоа не може да биде позитивно, вели Џуди.