Јапонскиот автомобилски гигант Toyota спроведе студија која покажува дека може да се постигне значително намалување на издувните гасови од автомобилите доколку повеќе возачи користат режими на возење Eco или EV во своите автомобили.
И додека сите понови автомобили на пазарот имаат еко режим на возење, EV режимот на возење се однесува на plug-in хибридите на Toyota, кои имаат доволно големи батерии за кратки патувања на електрична енергија.
Од Toyota тврдат дека ваквиот начин на возење носи бројни предности. Истражувањето опфатило вработени во Тојота и членови на семејството кои возеле повеќе од 600.000 километри во Eco или EV режим, пренесува CarBuzz.
Намалувањето на емисиите постигнато од учесниците во студијата заштеди 19.270 литри бензин, а Toyota рече дека намалувањето на CO2 е еквивалентно на запленување на 748 дрвја за 10 години. Со други зборови, заштедени се 45.235.623 g CO2 стакленички гасови.
Користењето на режимот Eco кај нехибридниот модел има најзначајни придобивки, со намалување на емисиите за 26 проценти. Кај хибридниот модел намалувањето е 4 проценти бидејќи возилото веќе работи поефикасно во основниот режим на возење.
„Имаме способност да користиме податоци за да ги поттикнеме потрошувачите да направат разлика“, рече главниот технолошки директор на Toyota Connected North America, Брајан Курсар.
„Знаеме дека има милиони поврзани возила на Toyota и Lexus во светот. Ако сите возат во Eco режим, тоа би можело значително да помогне во намалувањето на нашите колективни емисии на CO2“, додаде тој.
Иако оваа иницијатива покажува како нешто едноставно како што е префрлањето на Eco режим може да направи разлика, многу критичари велат дека Toyota треба да стори повеќе за да се бори против климатските промени. Тие моментално се рангирани на последното место во минатогодишната студија на Greenpeace за тоа како најголемите светски производители на автомобили работат на борбата против климатските промени. Ова не е големо изненадување кога се знае дека Toyota сè уште има само едно електрично возило во својата гама.
