Главна тема во регионот од вчера е скандалозното однесување на албанските и хрватските навивачите, но исто така и на фудбалерот Мирлит Даку.

Даку по натпреварот ги навредуваше Македонците и Србите, а неговото такво однесување го осудија и од Фудбалската федерација на Македонија која побара јавно извинување.

Разочарани од однесувањето на Даку се и во неговиот клуб, рускиот Рубин Казан.

„Нашиот клуб не поддржува никакви навредливи акции и гестови. Фудбалерот беше ставен во функција на репрезентацијата, секако дека жалиме за ваквото однесување. Кога во прашање се санкциите против играчот, тоа е во рамките на УЕФА“, соопштија од клубот.