Рускиот претседател Владимир Путин, кого западните земји се обидуваат да го ослабат и изолираат од глобалната политичка сцена, собра четириесетина светски лидери на самитот на земјите од економскиот сојуз БРИКС во Казан и покажа дека Западот го губи влијанието и дека процесот на прераспределба на геостратешката моќ значително напреднал.

Си-Ен-Ен пишува дека Путин е далеку од изолиран.

Западот особено му се налути Антонио Гутереш, генералниот секретар на ОН кој исто така ја прифати поканата да учествува на самитот на БРИКС во Русија, пишува британски „Гардијан“. Средбата меѓу Гутереш и рускиот лидер е закажана за утре. Тоа ќе биде прва ваква средба одржана на руска територија од април 2022 година.

Путин е домаќин на бројни светски лидери, вклучително и кинескиот претседател Си Џинпинг, индискиот премиер Нарендра Моди, претседателите Масуд Пезешкијан и турскиот Реџеп Таип Ердоган, јужноафриканскиот претседател Кирил Рамафоса, потоа лидерите на Египет, Етиопија, ОАЕ, Саудиска Арабија и други.

Кинескиот претседател Си Џинпинг изјави дека Москва и Пекинг треба заеднички да ја заштитат глобалната стратешка стабилност.

– Русија и Кина, како постојани членки на Советот за безбедност на Обединетите нации и големите светски сили, треба да ја продлабочат сеопфатната стратешка соработка, тесно да соработуваат и да се координираат во рамките на мултилатералните механизми како што се ОН и Шангајската организација за соработка (СЦО) – рече кинескиот лидер.

Меѓу главните теми на агендата е економската соработка меѓу земјите-членки, со акцент на создавање на алтернативни платни системи.

Една од главните теми е и формирањето на БРИКС осигурителна компанија. Оваа иницијатива треба да обезбеди непречена трговија меѓу земјите-членки, без да се потпираат на западните осигурителни компании.

Исто така на самитот ќе се дискутира е создавање на платформа за трговија со жито, која ќе им овозможи на земјите-членки независно од западните берзи да договараат цени и услови.

На самитот на БРИКС учеството го откажа српскиот претседател Александар Вучиќ, а Србија ќе ја претставуваат дипломати. Бразилскиот претседател Лула Да Силва не можеше лично да дојде поради повреди на главата, а се слушна телефонски со Путин.