Израел изврши интензивни воздушни напади врз Кан Јунис во јужниот дел на Газа, во она што жителите го опишаа како најтешкото бомбардирање во војната.
Израелската армија им порача на луѓето во источните делови на градот да се евакуираат на југ.
Израел верува дека некои лидери на Хамас се во градот, каде што многу цивили се кријат откако избегале од север.
Министерството за здравство на Газа, управувано од Хамас, соопшти дека најмалку 193 луѓе биле убиени во последниот бран израелски напади, со што вкупниот број на загинати од нападите достигна над 15.200.
Израелските одбранбени сили (ИДФ) во петокот продолжија со нападите врз Газа, започнати како одговор на нападите на 7 октомври.
Израелското бомбардирање на Газа продолжи и по привремениот прекин на огнот кој заврши во петокот. ИД соопшти дека погодила повеќе од 400 „терористички цели“ на Хамас на првиот ден од обновената операција, пишува Би-Би-Си.
На брифингот во саботата вечерта, израелскиот премиер Бенјамин Нетанјаху вети дека ќе ја продолжи израелската воена операција додека не ги „остварат сите цели“ за елиминација на Хамас и обезбедување на ослободување на заложниците.
Кан Јунис и градот Рафа, на границата со Египет, беа меѓу местата погодени од силни воздушни напади, а следната фаза од офанзивата најверојатно ќе се фокусира на јужниот дел на Газа.
Стотици илјади Палестинци побараа засолниште во областа, откако им беше кажано да побегнат од северот на територијата, која беше главна цел на Израел во раните фази на војната.
Пронајдете не на следниве мрежи:
