На територијата на СВР Тетово денеска од 12.00 до 18.00 часот, во рамки на засилената акциска контрола, санционирани се 244 лица кои возеле со брзина поголема од пропишаната. Од нив, како што соопшти МВР, 73 се движеле со 50 километри на час повеќе од дозволеното, а 23 со 70 километри на час повеќе од дозволената брзина.
Притоа, 91 возило ја пречекорило брзината во населено место, а 153 надвор од населено место. На сите прекршители изготвени им се соодветни поднесоци.
-Засилените акциски сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта, наведува МВР.
Пронајдете не на следниве мрежи:
