Грчки Капитал објави дека Атина во моментов размислува да реагира со „замрзнување“ на следните поглавја од преговорите на Македонија со Европската Унија, како и „економското гушење на соседната земја доколку Грција повлече „рачна кочница“ на фондовите на ЕУ, кои би биле насочени кон Скопје, што веројатно не е од помало значење за Северна Македонија“.

Грчкиот министер за надворешни работи Јоргос Герапетритис одржа брифинг за надворешно-политички прашања пред политичките лидери и претставници на парламентарните партии. На брифингот станало збор за прашањата за Северна Македонија.